浮生若夢

『2008 北海道之旅』

終於完成．．．．
有點想死的感覺．．．．．

>_<

Click 下面條 link 就可到達．．．．
由此路進

Add comment December 15th, 2008

『Osaka Hidden Trip 2007 Day 4 (2007-06-20)』

最後一日, 大家都要早d 起身去趕車.
當然, 我地亦都唔會唔食早餐o既… 不過嚮咁o既時候, 我地好難再慢慢揀. 所以行到邊食到邊, 去左間cafe 食早餐..
呢間cafe, 有三文治, 亦有熱狗.. 都幾好味~

之後, 我地又企左嚮 0101 City 門口..
點解? 阿翼話襯仲有時間, 想快d 再去高島屋睇下有冇想買o既野喎…
嚮呢個等候o既時候, 我見到嚮我左右各有一位日本妹… 其中一個都幾靚女…
佢地原來一齊等緊一個男人…. 而兩位女士係各不相識.
果個男人呢… 個男人好似都唔係好熟呢兩位女士.. 因為佢只係認到其中一個… 另一個, 佢等左好耐先行去相認….
我一開始係估, 仲以為係d 網上情緣… 但再睇落去.. 我諗係去見工o既…

我地先睇睇……………… 女呀!!!

嚮門口好無聊地影….

最後.. 坐番同一款車… 只係今次.. 係由難波去關西空港

關西空港略影

早左到機場… 無野做, 結果除左去買d 買畀自己o既手信之外, 就係去食野~

其實呢度d 野食都好好好好味下…
只係估唔到機場得咁少野食o者~~

無聊地一個人影相

最估唔到係… 同一間航空公司.. 由日本開出… d 野食好似正好多~
先黎個橙汁!

再黎花生!

連d 飛機餐都好食十倍!

影得不太好的合照

呢次我地坐中間位… 我去toilet 果陣發現後面d 位無人坐…
於是乎我就…. 影下相啦~

就係咁.. 旅程完結了…
其實我都唔知自己有冇mark 低用左幾多錢…
所以未知有冇後記打….

Anyway, 呢次旅程都算幾好~
我諗有機會, 我都會再去大阪, 而唔係東京~

Add comment June 22nd, 2007

『Osaka Hidden Trip 2007 Day 3 (2007-06-19)』

第三日, 一大清早起身, 今日我無食酒店早餐, 諗住同其他人一齊出去食.

你睇阿翼幾咁精神同興奮~

成條道頓堀都係無人咁滯!

途中經過相合橋筋, 亦見到好多得意野

呢兩間就係禽晚我地經過o既拉麵啦.
有條龍呢間, 就係露天但無乜野食, 隔離間四天王就係我地幫襯果間

元祿啊!
好多旅遊書都有介紹, 一陣我地會幫襯呢間…. 食早餐! 哈

當其時, 其實大家都未諗定食乜…. 而元祿要等位..
所以我就急步去搵下有咩好食… 佢地就等元祿.
我行晒道頓堀, 千日前, 南海通等等地方.
路過有土耳其雪糕.. 見到個雪糕佬.. 好明顯係因為女所以特別開心, 亦都特別大份…

經過呢間寺, 我就行番轉頭…

最後我地都係揀食元祿, 因為我返轉頭時, 佢地已經全部入晒去了..
以下就係元祿入面o既相….

呢間元祿好特別.
佢全部野都係 100 yen. 唔同o既野食, 係有唔同o既size, 我十分鐘意呢種方法. 因為全部都係同一個價錢, 我乜都可以試, 只係個份量唔同.
我想食多d, 咪再叫多碟囉…
d 用料都好新鮮.
而且嚮相中, 你地會見到佢有一個個牌係度. 分開晒唔同o既野食. 當佢見兩個牌重疊, 佢就知道果一款壽司無野, 咁佢地就會即刻做多幾碟出黎.
好過香港, 一整某一款, 就果十五分鐘都係整同一款….

食完之後, 我地就先去coffee shop 坐下, 嘆杯咖啡, 講下行程~

今日o既行程.
因為大家都覺得累o既關係, 將原先定落o既姬路城取消.
改為兵分兩路. 阿翼同阿傻兩公婆一齊去百貨公司, 而我就單獨行動, 去日本橋o既玩具街.
諗起都 free 呀! 但又有邊個人會知, 意外就係會嚮呢d 咁o既時候發生呢…

喝過 coffee 後, 本想同阿翼佢地一齊行去集合地點先. 但阿翼怕我唔夠時間, 所以勸我先行出發.
於是乎, 我就獨個兒出發到日本橋玩具街.

呢個就係日本橋o既玩具街地圖.
其實當中有少部份已經改變左, 但大致上都無乜問題~

我先出番大街, 千日前通, 之後就向日本橋方向進發.
途中見到一個一個的明王鐵牌, 覺得幾得意, 所以影低左

原來… 呢個.. 係一個類似墳場咁上下o既地方.
唔怪之得有咁多明王像係度.
咁我就繼續行, 行到去日本橋, 見到好多地方寫住黑門巿場.
之前嚮旅遊書度, 都見過呢個名, 知道係一個魚巿場. 所以呢頭d 魚生應該係比較新鮮.
不過我就唔明點解咁多個地方都係叫黑門巿場…

再繼續行, 就見到高島屋東別館嚮對面馬路.
不過見d display 好似賣d 好貴o既野, 所以我都懶得行過去睇….

接著下來, 我就係不停咁行黎行去睇玩具…. 其實都無乜特別.
第一站想搵 HLO 海洋堂.. 搵左好耐.. 我估.. 應該係無左… 呢個時候, 我就轉彎去左 Capsule Toyshop.
眼見d 野都幾貴, 我就決定走啦.
途中見到個又好似寺廟o既地方… 心諗.. 日本呢個地方真係好特別… 行行下街都見到有廟~

行前兩步, 就見到 Yellow Submarine. 嚮呢庶, 我買左幾個支架, 用黎放山口式d 玩具 (結果我都無用過…)
開始發覺, 呢期d 玩具, 好似比較多 Final Fantasy series….

再屈番上去… 行到最後.. 又係 Yellow Submarine… 於是乎我就返轉頭行去 Sofmap 啦~
呢個時候, 我見前幾個舖位, 有好多架扭蛋機, 咪行過去睇下囉~
望左好耐, 都無乜特別野.. 係見有幾部唔著衫o既女仔公仔.. 好似好sexy 咁… 但 500 yen 一個喎… 諗左好耐… 先決定抽兩個三…
結果.. 食左錢…
咁.. 我只好走入去舖頭, 口手並用咁解釋畀個男店員聽啦.. 點知個男店員叫個女店員去攪喎…
妖! 我抽咸濕公仔, 你搵條女黎攪, 仲要係都見得下人果隻tim.. 咁即係叫我無面o者…
不過我係遊客一名, 所謂幾大就幾大, 燒賣就燒賣! 於是我就引領佢去果部食錢機度… 攪番好之後, 我又抽多兩個就閃去 Sofmap 了.

Sofmap 好似有七層咁上下….
我睇過 XBox 360 d 野貴到嘔.. 開始o既時候我一直都唔明點解.. 直到我返酒店我先諗到!
因為 360 係由美國出口… 所以對日本黎講.. 係進口貨, 當然就貴啦… orz
嚮 Sofmap 入面, 行左一輪, 連咸書我都買唔落手… 直至去到咸碟.. 我忍唔住啦…
諗起上次嚮秋葉原失敗地無買一兩隻做紀念, 今次就買番三隻留念啦!

離開 Sofmap, 結果都係搵唔到我想要o既山口式黑貓同埋山口式爛手 EVA….
血前行至 Gamer 附近, 其實都見到好多扭蛋機.. 但發覺真係無乜野好扭了….
我見到有間係租格格畀人地放野係度賣o既舖頭.. 諗住可以幫阿翼買番隻人像版o既 Kuromi…
點知.. Kuromi 我就搵唔到, 反而買左兩隻和果子o既特撮英雄公仔.. 好鬼靚呢~
當然, 我都見到d 唔著衫o既女性公仔.. 但實在太貴了, 所以無落到手….

之後, 因為唔想晒時間, 我就好快咁行過條街, 轉番出去日本橋筋商店街.

之後逗留左嚮 Gundams 一陣…
同渣古影左相.. 想再影 Gundam 時… 先知話唔畀影相的…
咁我只好入去睇野啦~
好多 Gundam 玩具, 但呢期我又唔係太鐘意 Gundam 喎… HCM Pro Super o既 Gundam 都有得賣.. 但一來唔捨得.. 二來.. 又覺得無乜必要…

之後離開就繼續行, 其實我都唔記得… 係嚮 Volks 定係 Mandarake..
被我搵到我嚮香港搵左好耐o既 Wing Gundam o既 Gundam Fix… 但唔知係唔係二手, 因為個盒都幾大塵….
另外, 我又嚮是但一間.. (定係嚮地圖入面無o既) 店舖入面, 買左個交響情人夢狸貓 Cusion 畀阿翼呢~

嚮呢個時候, 我驚覺我仲有十五分鐘時間.
於是乎, 我就急急腳快速地經高島屋東別館果個街口打橫直cut 過去難波站… 目的地係之前約好左o既 0101 City 門口 or 0101 City 附近o既吸煙位……..

當時下著雨, 令我十分狼狽.
途中經過 Muji 心想, 一陣可以同阿翼去行下呢度….
可惜開心o既事, 永遠都並非隨手可得… 我去到 0101 門口, 發覺今日係休息… 唔單止我感到愕然, 我眼見附近o既日本人, 不少到來都露出同樣表情. 可想而知, 根本都唔係人人知佢休息.
問題黎啦! 邊庶係門口? 阿翼佢地又去左邊呢?!!!!!

我個心, 當時不停咁諗, 呢庶可能有第二個門口.. 同埋佢地講得吸煙位.. 一定嚮出面..
我下定決心, 跟著 0101 轉一個圈去搵佢地.. 結果係點??? 請睇下一段…………………………………………………

結果係.. 無人呀!!!! 天呀!! 人去左邊!!!!
冷靜d!!! 先頭 Muji 果頭有間 Starbucks.. 呢度落晒雨, 佢地可能入左去!
好走過去睇睇…. 睇睇…. 睇睇…..
間舖好細! 即係一眼望晒!! 無人呀!!!! 人呢?????

冷靜d!!!! 我遲左 15 分鐘到, 佢地應該等緊我.. 加上我搵左一輪, 前前後後都半個鐘!
唔駛怕! 你話兩個女人就驚o者.. 仲有阿新係度.. 無事o既! 慢慢黎! 再圍住 0101 搵搵, 可能入面有 coffee shop 呢….

好好好!!!
行行下… 頂!!! 難波本通, 戎橋筋, 南海通我行到亂晒.. 我…. 我.. 我… 迷失左方向呀…
行行下… 好似向番酒店方向 tim….
冷靜d… 假如我係阿翼, 我會去邊庶好呢… 去番今朝間 coffee shop!
好! 我去睇下先… Oh! Shit! 無人…!!!
返轉頭去 0101 再check 下! 可能我一時間睇唔到佢地o者!

如是者! 足足 45 分鐘!
我前前後後, 嚮高島屋, Starbucks, 0101, Coffee shop 行左好多轉… 都見唔到人!
我之前同自己定左! 如果仲係唔見人, 先返酒店!
結果我一個人返酒店, 問有冇message 留底畀我.. OK! 無.. 無問題!
上房! 我有 key..
上到去, 無人! 一個人都無好!
好! 先放低d 野先… 去個toilet… 冷靜一下!
諗諗先!
OK! 落樓下留個 message, 話返到黎就嚮酒店等我!
留完, 好! 我再去搵搵!

1 個鐘頭後, 我嚮 0101 門口… 見到佢地三個了!
阿翼第一時間走過黎, 差d 喊左出黎.. 佢怕我有事喎….
究竟當時發生乜事… 由阿新口中, 大約就係 0101 Closed, 佢地去左高島屋, 之後去埋 Muji.. 又去番高島屋買野.. 攪扣稅手續
足足遲左半個鐘先出番黎…. 就係為左十幾蚊, 差 d唔見左我…
當然, 由阿翼口中, 就係話我遲左, 我做乜唔企係度停… 行黎行去.
我心果句當然係.. 你同我講門口, 吸煙位, Coffee Shop.. 咁我鬼知邊庶咩….

呢個.. 就係失蹤人口地點了

攪左咁耐, 大家都有d 肚餓又有少少累.
所以大家就返左去心齋橋大丸, 買左d 小食返酒店食…. 之後休息一陣!
我主要買左.. 餃子, 麵包, 串燒, 揚物

休息左一陣, 我地就要準備再次出發. 是次目標為食神戶牛~
由心齋橋出發, 先到梅田再轉車去三宮站.
但阿翼想先去梅田的 HipFive 逛街…
沿途發覺梅田o既夜景, 都幾靚…

途中我仲見到個好攪笑o既河馬飲水機

黎到 HipFive, 當然要影下佢o既景點, 紅色鯨魚…

行左一大輪, 先可以坐阪急電鐵去三宮.
我地 miss 左班特急, 只好坐急行去… 好彩無傻更更去坐普通…

因為我地去到目的地, 搵埋路去到目標餐廳, 上到去… 侍應話.. 我地呢班係 last order…
無得再叫o架啦… 我心入面呼左啖大氣.. 幾驚黎到話無得食….

餐廳名

我地係坐 bar 檯

研究左好耐, 先知果張唔係餐巾, 係圍巾~
哈哈~

喝啖啤酒, 影張合照

師父開始表演!! 其實師父都幾似房祖名~

頭盤一碟~ 好味!!!

我就點左個西冷, 阿翼就點左個牛柳.
要頂級, 但份量就中等.
師父一上場, 嘰哩咕嚕左一輪, 我地都唔知佢想講乜… 直至佢拎出黎, 我地先知.. 佢問我地要唔要蒜片.
我地兩位男士係要o既, 女士就唔要…
d 蒜片, 煎完之後好香. 齋食都好好味, 我留番d 一陣伴牛肉!

神戶牛呀!!!!!!
師父手起刀落, 好似表演咁.. d 牛肉煎得好香呀~~

大家都凝神注目, 一來係睇師父表演, 二來係等食等得好心急呢~

除左牛肉之外, 仲有豆腐, 冬菇, 矮瓜等等o既伴碟伴菜~
你係d 相入面, 會見到d 好碎濕濕o既牛肉… 果d 全部都係肥肉黎o架… 師父挑晒出黎, 分開擺.
另外, 你會睇到, 師父煎野時, d 野分到幾咁井井有條~

煎好左啦!
一粒粒好細粒, 但好好味.
我覺得西冷好味d, 入口即融, 但就肥d..
牛柳就比較韌, 但就無咁肥~
碟上, 除左蒜片之外, 仲有粗鹽, 黑椒, 同埋兩種醬.
老實講, 我就覺得配蒜片 or 粗鹽係最好味!!!!
你睇, 我地食得幾咁開心!

先頭切出黎o既肥肉, 主要係用黎煎d 油出黎, 之後再加埋黎炒菜~

咁樣就食完一餐神戶牛了~
入到toilet, 一早知佢好攪笑..
個馬桶沖水位上面係可以用黎洗手的~~~

離開左餐廳之後, 一路慢行一路睇下四周圍o既野~

之後就回程返心齋橋了~

返到酒店… 坐左一大輪.. 又係我發癲o既時間了…
先頭果餐, 可以叫做有少少滯, 但未至於話好飽.. 所以我地就去左食串燒!!!
呢間舖頭只係嚮酒店o既轉角位… 大家因為言語不通, 所以叫野食時都攪到一頭煙呢~

食埋呢餐, 就要準備明天返港o既事.
大家都係埋頭苦幹地收拾行李呢~
講到呢度, 實在有少少唔捨得… 個假期咁快就完了……. 成個大阪, 我都仲有好多地方未去….
心齋橋都未行得完……
唉….

Add comment June 22nd, 2007

『Osaka Hidden Trip 2007 Day 2 (2007-06-18)』

第二日, 個天仲係有少少黑, 有少少雨.

大家都仲係訓到死下死下o既時候, 我已經起左身, 隻身去食呢度o既 breakfast buffet.
雖然都知唔會係咩好貨色, 但本住有野食都會照食 (除左第一餐飛機屎之外!), 我都係會去看個究竟~

下面人少少, 地方少少.
廢話少說, 相片一張!

食物質素過得去啦~
其實都 ok o架.. 唔係話太好食, 但食得落口囉.. 都可以食得飽o架~

之後, 我就開始我o既探路行動!

今次我就先搵左 Gourment City, 見到入面真係好多野食賣, 又有生果喎~
之後我就沿住大街行番去心齋橋筋.
途中留意呢條街其實都好多上樓舖, 見d 人剛剛先好似放工出黎, 有d 仲飲到啤啤夫. 我相信, 上面都係d 夜場多.
都見到有不少女性打扮得異常性感, 可惜身邊實在又有幾件一拳可以打死我o既o架仔, 所以相機永遠都唔夠膽抬起….

除此之外, 仲有滿地好靚o既蓋~
先黎缺一o既十二星座…. (缺一o既原因係我行到去心齋橋筋我就返左轉頭, 我亦無數過有幾多個… 返到黎先知.. 欠一個)

仲有大阪城o既蓋~

仲有好乖o既歌姬, 係度等主人洗地呢~

呢個花糟有人名, 睇佢手字, 應該都係幼兒班.
可能呢個花糟o既植物係由呢位小朋友整o既~

到達心齋橋筋.
星期一, 個個都要返工, 無人加上舖頭未開o既心齋橋筋… 同禽日星期日比.. 真係差天共地..
注意! 有女! 都幾靚o架~

之後望下隻錶, 都差唔多時候要回程.
順路買個 sweet sweet 早餐返去都好…. 但望黎望去, 都無乜野好食..
行左好多間coffee shop, d 麵包都好似麻麻地.
最後, 我買早餐連探路地行左去長堀橋站… 原來長堀橋站離我地酒店只係五分鐘路程!

返到酒店, 叫醒左阿翼, 食埋早餐, 梳洗好又準備出發了.
今日o既行程係去環球影城~

去心齋橋坐大阪巿營御堂筋線去梅田站, 轉 JR West.
梅田站行去大阪 JR 站, 只係十步路, 一眼就望到~
坐 JR 去到西九條站轉車去環球影城站.

嚮心齋橋站見到 Sekio Grand Spring Drive 新錶廣告.. 好靚呢~

心齋橋站月台及車票

到達梅田站, 上一層到出口前, 回望一下個月台

大阪 JR 月台, 車廂, 車票留影.
留意到嗎? 有一大班小朋友一齊坐車呢. 好可愛.
我地當時有d 擔心呢班小朋友都係去環球, 因為我地都驚去到會好多人呢~

來有 Uniqlo 廣告. 同騎師衫 crossover!? 我地之後去 Uniqlo 都見唔到有呢d 野..
不過算啦.. 咁醜樣.

女性化專用列車??
哦.. 原來係有時間限制. 專係 for 返工放工o既時間用~

到達環球影城個站…
原來出面四周圍都係商店同埋酒店

呢間壽司店, 有個小型摩天輪, 吊住各種海產o既公仔, 好得意~

我地到達之後第一件事係食野.
因為阿傻兩公婆其實係未食野o架~
呢度有個地方係食小丸子o既集中地, 除左特定商標之外, 裏面仲有個用黎祈褔架.

不過最後我地揀左食香港都有, 而且係我最愛之一 Oriental Curry.

呢個商場… 有隻 Predator 喎

呢隻野咁古怪係乜!? 後來我好似見到, 話呢隻係敷座童子

食完野, 就正式去環球影城玩 lu.
門口影下相先

入到去, 我地同阿傻就各散東西, 只係約好時間地點離開.
呢個就係一入場o既地方, 右手面有好多locker~
我地就只帶跟身物品, 其他全部放晒入 locker.

再前行就係呢d 舖頭啦~

Beams 教落, 呢度用錢係可以解決好多問題. 於是乎我地二話不說就去買左 Booklet Express 7!
基本上, Express 7 係包左… (打 ** 的係 Beams 推介)
**The Amazing Adventures of Spider Man
**Hollywood Dream / Sesame Street 4-D or Sherk 4-D (呢度.. 即係包 Hollywood Dream or 4-D series.. 而 Sherk 4-D 及 Sesame Street 4-D 只係唔同時間播)
**ET
**Terminator 2:3-D
Back to the future
**Jurassic Park
**Jaws

嚮門口呢頭, 就比較多公仔同人影相.
再行入去就無乜o架啦~

d 日本妹唔係好靚… 但我主要係想影佢著住果件 Elmo 雨衣..
我足足諗左成程.. 真係好想買呢~

因 Beams 推介, 我地先去玩 Hollywood Dream. 因此, 我地就放棄左 Sherk 4-D.
途中經過 Hello Kitty 商店

未入到去之前, 職員對我地指手劃腳… 我完全唔知乜事..
佢好似係要我放低d 野去locker.. 我都唔明點解唔畀我拎野…
咁我咪放低相機囉.. 只係留番個銀包.
點知佢都唔畀我入, 要我放低埋個銀包… 好好好! 但點解會咁呢………. !????

原來, Hollywood Dreams 就係阿翼一直都好想玩o既過山車.
雖然我理解唔到點解叫 Hollywood Dreams, 但都明白點解佢要我放低晒所有野..
同埋一入去, 感受到 Express o既威力!
全部人同我行開, 我直接打尖!! 我感受到好多怨恨o既眼光. SO WHAT!

呢個 Hollywood Dreams 唔算係嚇死人, 但都好好玩.
阿翼嗌到聲犀力竭…. 我就.. 無乜野, 只係想試舉高雙手…….. 但一直都唔敢~

玩完呢個之後, 我地繼續行程~
目的地係 Jurassic Park~
途中見到d 車好似幾靚, 又影下相先~

呢個係呢段日子o既特別節目 - 小飛俠 PeterPan o既表演場地.
夜晚先表演, Beams 推介, 但我地無打算留到夜晚, 所以在此留影罷了.

入去玩 Jurassic Park, 有少少驚會濕身.
但 Beams 話一定唔會, 所以都無諗太多….. 事實係……… 真係唔濕喎~
咁佢出面d 賣雨衣機咪昆人!? 哈~

排隊啦, 唔係排隊入場 becasue we got Express o麻.
呢度係排隊上船~

其實呢個遊戲, 主要係坐嚮隻船度, 扮遊歷侏儸紀公園.
d 恐龍都 ok o既… 有d 位都真係會擔心有野會跳出黎o架~
一直玩到尾 (其實好快就到), 會入到去好黑o既地方… 扮畀 Raptor (速龍) 追, 都幾緊張.
最後, 會見到隻 T-Rex (暴龍), 而隻船會嚮佢胯下經過, 再向下衝出去… 就係呢度! 有機會濕身.. 但我坐到邊位都無事.. 可能坐頭位果d 會慘d…

玩完之後, 當然係影下人地玩時, 衝落黎果情型啦~

因為見到人地隻恐龍汽水杯好靚, 所以我地決定排隊買野食~
排隊途中回望一下 Jurassic Park 精品店.

無聊o既時候, 就連紙巾都會影…

回望一下個入口

途中遇到兩位日本少女, 我幫佢地嚮架車前面影完相之後, 就輪到阿翼了~

下一站! Jaws! 大白鯊!

打完尖, 行去坐船途中~

上船影o既, 不過影到第三張就畀人話lu.. 話唔影得相喎…

呢個 Jaws 其實都好經典. 因為記得以前睇電視介紹環球影城已經有show 出黎.
叫我唔好影相果位職員, 其實都算有禮貌. 只係我聽唔明o者…
不過, 當隻船到最後果part, 隻大白鯊衝上水面果一下, 就有個日本妹不停咁影囉.
我即時見到位職員面都黑埋, 不過唔夠一秒, 佢就扮開心話大家安全啦喎.. 真係好佩服佢地咁專業….
其實成個遊歷, 只係隻船係度行, 就不停有d 機關 show 條大白鯊出黎.
不過最令我拜服, 係佢有一下大爆炸, 真係著火, 我feel 到燒o架… 但好快, 佢就熄左火… 勁~~

玩完後出番去, 同漁夫像影下相先~
大家見到我隻恐龍杯嗎!?

途中見到呢隻雀… 但真係唔知佢叫乜名.

成個成程途中, 我地亦有都去玩 ET 啦, Terminator 啦, Spiderman 啦, 不過真係一時間唔記得個次序….
Beams 千叮萬囑唔好攪錯左去睇 Spiderman 1, 2, 3 集預告. LOL
只係記得.. 嚮玩 Spiderman 之前, 我地發覺就黎夠鐘. 所以先去預約阿傻o既地點交代一下, 先再次出發…

ET 主要係坐住架車仔, 又上又落咁. 前面會有個screen 畀我地睇住個劇情發展. 四周就係d 場景.
個故事係講主角同 ET 走左之後, 去到 ET 星拜會其他 ET.. 最後當然係 say goodbye 啦…

而 Terminator 就講 T-X (唔鬼記得咩 number), 同主角一齊坐時空機去到唔知幾時o既天網.
天網就派出 T-1000 追捕.
之後兩位主角去到天網, 就同天網變成o既液態怪物大戰.
呢齣係 3-D 加真人o既, 所以我地要帶立體眼鏡~
其實呢個 item, 最大問題係未入去坐之前, 要聽佢講一大輪野… 佢扮晒我地係參觀 Skynet o既遊客.. 而 Skynet 就被反抗軍 (主角) 入侵…
呢度.. 講一大輪野真係晒左唔少時間.. 我地又唔明佢講乜果下先慘.
不過入到去, 個 show 都算係幾好睇~

之後到 Spiderman, 我地自愛呢個show.
又係帶立體眼鏡, 坐住架車又上又落, 仲會自轉….
四周圍都係 screen, 播 3-D 卡通…
故事係講幾個壞人追打 spiderman, 我地呢班坐住車o既乘客受到攻擊, spiderman 要救我地…
小型過山車 + 3-D show, 正!

講左咁多, 又睇番d 相先.
經過一架寫住 Hot Dog o既車.. 唔知點解當時我覺得幾靚…

返到去 Hello Kitty 商店, 再次留影

Terminator 2 3-D 標誌

一塊板, 加上一流o既畫功, 像真度甚高….
真係好想搵四個人, 係度扮 Beatles 某唱片封套

Spiderman 場館及其精品店~

及後, 有幸遇上 Sherk 的花車 show (因為之前 miss 左 Hello Kitty 花車 show…)

遇到之前唔知叫乜雀o既公仔

大家的戰利品

環球門口二人合照.. 之後就.. 走人~

再戰小丸子! 之後就食雪糕呢~
小丸子, 我地點左一客乾o既, 一客濕o既.
味道方面呢…. 比香港大粒, 亦都比較多粉… 不過入面d 餡都比香港多~

回程時, 嚮車站見到Hello Kitty 爆谷.

車票, 廣告, 車站

標誌著我地返緊去心齋橋的車票
有冇留意到, 呢張同之前果張車票個時間. 中間差左兩個半鐘呢?

原因係, 我地去到梅田, 我地嘗試去果頭o既東急等等的百貨公司…
呢段時間, 我地去左 Uniqlo 又買左好多野呢…
行黎行去..
或者大家會奇怪.. 點解咁心急呢… 因為前一day, 我地去 Tokyo Hands 後, 入過去 LV.
阿翼睇中左個袋, 可惜係全球都無貨, 要落 wishing list.
死心不惜的阿翼當然係會把握任何機會, 去任何一個地方搵啦….
LOL

返到去心齋橋, 已經係夜晚了.
心齋橋多左d 街頭表演o既人~

放低d 戰利品後, 我地就去食蟹道樂o既全蟹宴了..
今次點左好多野食, 比起河豚果餐實在係美味好多~
我比較喜歡食燒o既蟹肉, 因為比較甜. 而最後果個炊粥, 都係一流的!

你睇佢兩位食得幾咁開心~
仲有綠茶雪糕做甜品… 呢餐真係飽到死死下呢~

之後o既野.. 無影相lu…
不過都要記述一下~
我地食完蟹, 行返去酒店附近o既 Gourment City, 買密瓜.
因為我地無刀, 亦都借唔到刀o既關係. 我地未能買原個 T 字密瓜..
只好買d 已經切好左o既.. 再順便買多盒西瓜.

返到去酒店, 坐係度休息左一陣, 就去阿傻間房食生果….
食完之後, 又繼續休息….
當時我都唔知痴左邊條筋…. 抖左一大輪.. 又決定再次出發~!
今次目的係食..!! 拉麵!!!!!!!!

行左一輪, 本身係想去千日前果頭有間坐嚮出面食o既拉麵舖.
但望一望賣飛果間機, 得兩款唔係太吸引o既普通麵食…
於是乎放棄左, 走左去隔離坐入面o既四天王 (第二日發現, 原來四天王都係一間連鎖店…).
因為大家以前都食得太飽o既關係… 得我一個人係度痴線… 所以 total 只係叫左兩碗麵….
食完之後, 再逛一陣, 大家都返去沖涼訓教lu….

事後, 我都唔明.. 點解我會咁癲的… LOL

Add comment June 22nd, 2007

『Osaka Hidden Trip 2007 Day 1 (2007-06-17)』

2007-06-17 第一日, 我地最重要就係倒屎咁早起身.
因為今次係跟旅行團一齊o既平價package, 所以要嚮清晨五點就到達機場搵領隊拎機票.
我同阿翼就call 的士, 而阿傻兩公婆就坐自己車去.

其實到達機場拎左機票都要等.
因為印度航空個counter 都未開工….. 等呀等, 又等呀等…
等到咁上下我地就排隊 check-in… 排到埋去, 果位姐仔係度顧住傾私人電話, 真係吹脹.

Check-in 完, 第一時間當然就係去醫肚.
基本上, 除左阿傻o既老公阿新去大家樂之外, 其他人 (咪又係果三個人…) 去左食 Burger King.
真係估唔到.. 個餐係如此這般的大… 實在太肚餓.. 所以連相都無影就鯨吞左個餐.
阿傻叫果個餐, 個飽仲大過我果個. 而阿新食大家樂o既粥餐亦都唔少野…
總之一句, 真係食到眼癱癱.. 不過呢餐飽飯, 又實在為後來排下左一條伏線~

之後, 去到候機室, 其實真係悶到抽筋.. 都唔知等幾耐.
等到上機, 又要排隊check 袋… 攪左一大輪, 終於上到機.
好彩都唔覺有咩印度蘇味, 算係咁啦..
上到機當然係等待飛機餐啦. 就算先頭食到幾飽, 飛機餐呢家野都唔可以skip o既!

Oh My God!!!!
你千祈唔好問我, 呢d 係乜!? 我除左同自己講, 我唔通食緊屎之外, 我都唔知果d 係乜!

看到嗎!? 果兩條屎o既物體.. 係薯仔撈雜菜, 我估唔到我會試一啖. 但真係頂唔順.
果d 蛋, 食落口, 真係可以叫做蛋嗎!?
另外果個餐, 蛋同腸都係一樣唔好味的.
除左薯餅, 牛角飽同生果之外, 無野食得..
好彩之前早餐飽死, 否則, 都唔知點頂落去…..

苦中, 只好作樂影下合照.

四小時左右後, 到達大阪關西空港機場.
又要check 多次行李, 呢次誇到係要搜身. 阿翼同阿新o既打火機, 亦都係呢個時候被掉了.

關西空港大堂, 我地等緊lift 去第二層

關西空港

我先行探路, 其餘三人去左嘆精神食糧.
呢個, 就係我地要去o既南海電鐵

南海電鐵 - 由關西空港去難波站 - 空港特急列車.. 睇下張票, 記住個 Beta 符號. 千祈唔好攪錯.
我事前已經print 好晒d 野, 直接指畀個售票員睇, 所以買飛可謂毫無難度.

入閘啦!!

架車靚到嘔. 比起東京果間 NEX, 真係豪華好多呢! 又光狂喎~~

車廂合照

坐定之後, 我就要開始睇清楚到達後點行去酒店.
其實我一開始都好頭痕. 因為我真係好驚安排得唔好, 會令大家唔開心呢~

中途見到日本妹喎… 對唔到焦都照影… 呵呵

大約 45 分鐘左右, 就到達左難波站.
呢一點, 可以講令我愛上大阪而非東京, 就係佢o既車程.
無錯, 坐到呢班超快車, 45 分鐘就可以去達旅遊區. 對於自由行的我而言, 實在係易control 時間之餘, 亦多左時間去玩呢.

一落左呢條長長o既自動電梯, 就到達難波~

南海電鐵難波站外觀

其實一出左黎, 我都頭暈暈. 都唔知向邊一個方向行好.
好彩, 上網睇o既日本地圖, 連街道o既外型都有埋. 我好快就 locate 到大約應該點行.

先locate 到地圖中間果幢building, 行到去就屈入去戎橋筋, 之後就向前不停行.
途中我同阿翼驚覺大阪o既女仔, 竟然好索過東京好好好好多!!! 但當我注意左幾秒, 都未來得及拎相機, 對方就已經望住我.
我唔係(早晨哥), 我當然唔會覺得對方係對我有意思啦.. 我知啦我知啦.. 放心.. 我唔係痴漢…

過左道頓堀川, 望住只係一條馬路之隔o既心齋橋筋, 真係嚇左一跳 - 多人多到呢!!!! 呢d 就係叫人山人海啦!
不過今日係星期日, 商店街都唔多人就死火囉.
呢個時候, 拖住咁鬼多行李o既我地, 決定嚮宗右衛門町轉彎行過去.

呢度係未到道頓堀川前o既商店街.

由難波站出發, 差不多二十幾分鐘, 我地終於到達酒店.
呢度依舊好古老地用鎖匙開門.

呢兩相就係酒店房啦.
比起上次嚮東京果間飛鳥, 呢間真係好好好好好好好多. 起埋我都可以大膽地稱佢為酒店. LOL

嚮酒店休息左一陣, 原定計劃係我一個人先行探路. 但其他人似乎想一齊行動多d, 所以休息左一陣, 大家就再次出發.
今次選擇唔行回頭路, 繼續向前行, 嚮前一個街口轉入去 (當時黎講, 我都仲未選擇由 Gourment City 果條大街行).

行至中途, 發現左一位我地好耐無見o既人… 一直以為佢去左邊, 原來黎左呢邊打工…
諗起都幾可悲… LOL

條街大致上就係咁, 真係幾窄, 有車黎就要行番入去行人通道. 但行人通道就成日都會有d 單車 or 電單車泊左嚮度.

呢個碑, 開頭對我黎講都算係一個路標.

呢間舖頭好似賣舊貨咁, 引起我注意o既係有右手邊o既七福神, 同埋左手邊隻狸貓. 隻狸貓, 好似尖沙咀『炭燒狸』果隻呢

行左大約十分鐘左右, 到達人來人往o既心齋橋筋.
大家都有d 肚餓, 思前想後, 行黎行去. 最後決定左去呢度!

呢間野係食乜呢?

無錯!!!! 就係烏冬啦!!!!
除左烏冬, 入面仲有好多唔同o既野食做配菜~
以下就係入面d 野食啦~~ 好味~~

呢間舖頭係自助形式. 先係拎個盤, 排隊其間你可以嚮中途o既配菜區拎你想食o既配菜.
排到去廚房, 就可以 order 你想要o既烏冬. 最後就係行去 cashier 畀錢. 食完就要自己收番d 盤去收納區.

你睇.. 幾多人排隊… 真係好旺場o架~

入面有幾個女仔.. 都幾靚女.. 其中一個件衫仲超低胸tim… 睇到晒睇到晒.. LOL
不過.. 我影得唔係太好呢.. 之後想再影.. 可惜畀人發現左. 對方拉好件衫 lu… ORZ
以下係冒死影返黎o既…

食完野.
原來個行程係坐車去門真南的 Blossom Outlet, 但大伙兒好似都唔係太想郁…
結果我地留左係度, 行心齋橋筋.

路過 Sanrio, 一個兩位 fans 必去o既地方.

阿傻就抽左隻雪糕碗.
我同阿翼只係買左 Kuromi Chara Builder.
另外, 我見到d Hello Kitty 筆都幾過癮. 係用最簡單o既線條畫出黎o既, d 手手腳腳全部都只係一條線..
不過阿翼就唔想晒錢買.
入面d 售貨員都幾nice, 亦好多小朋友不停抽獎. 個售貨員不停咁講多謝, 我諗真係講到氣都咳埋. 哈哈~

心齋橋仲有好出名o既宇治園.
宇治一詞令人諗起宇治金時. 我諗宇治大概就係綠茶呱.
我有理無理, 就叫左綠茶飲. 阿傻同阿翼就叫左個緣茶雪糕…
呢杯綠茶我就覺得好好味, 甘甘地好解渴~
一間老字號o既舖頭, 仲有個公仔做招牌~

人來人往o既心齋橋筋

亦 locate 到心齋橋站

路過間連鎖快餐店, 佢地話隻樹熊好似阿翼喎…

行到呢一節心齋橋o既尾, 有兩間舖係賣結他唱片等等o既野.
直覺認為, 21 見到會好開心~

根據以上心齋橋地圖, 由下向上數第二個紅圈就係 Sanrio 所在位置.
由上向下數第二個紅圈就係 Paco and Loft. 而Paco 附近就係剛才我所講賣結他o9既店舖.
係呢個時候, 阿翼想起佢最愛o既狗狗袋 Garcia 嚮呢頭有舖頭. 可惜佢一直只係講到d 地段, 實際地址卻回想不起.
於是乎, 我地先行去 Tokyo Hands, 而我就憑佢所講嚮附近搵下….

嚮地圖上, Paco 過多少少面對大馬路時, 就會見到呢個地標.

過左呢條大馬路, 就會到達南船場區. 果面都有好多野o架.
Tokyo Hands, LV, Rolex, Chanel, 等等o既名店.
雖然係南船場區, 但打直果條, 依然都係心齋橋筋. 可想而知, 心齋橋筋係幾咁長呢… 實際上, 呢一段o既心齋橋筋, 我地都無話好好地咁行過….

中途就無乜影相.
佢地嚮 Tokyo Hands 門口等我探路. 我就一直都搵唔到 Garcia 係邊庶.
最後, 都係入去 Tokyo Hands 行下街.
先嚮 Porter 果度打左好耐躉, 想買過一個 Tote Bag, 但實在太貴. Even 其他牌子, 都要二百幾蚊港紙一個. 有d 我就兼佢太重.
又睇過d 銀包, 但 Porter, 又實在黎黎去去都係果d 款, 所以都係放棄.
之後, 我地上樓上, 見到個製冰器, 可以將整一粒大圓冰出黎. 最重要係, 果粒冰係好通透.
我同阿翼企左嚮電視面前, 研究左好耐. 佢應該係耐d 空氣抽左出黎, 所以先咁通透.
諗落都幾得意.. 但一望個價錢, 二百幾蚊港紙一個.. 仲要係好大個, 我地個雪櫃應該放唔落.. 又放棄…
只係買左個十幾蚊o既圓形製冰器.

嚮 Tokyo Hands, 我地買左檯墊, 筷子, 太陽眼鏡, 製冰器, 吸水杯墊…. 哈哈.. 我地好無聊呢…

呢個畀完錢準備離開o既 moment, 阿翼突然走過黎我身邊, 面露歡喜.
原來, 咁o岩有兩個香港人拎住 Garcia 個紙袋. 阿翼細問之下得知 Garcia 確際地址, 而且知道就黎關門, 於是乎我地又趕過去 Garcia.

Garcia 地址為… 東心齋橋 1-19-11
換言之, 之前我嚮南船場搵係 totally 錯的….
Anyway, 搵到就好了…

我自己就走左去買汽水飲. 呢罐 Coca Cola, 寫住 No Calorie. 我覺得好味過 Coca Light and Zero 好多…

戰利品…
我都有買野.. 真係估唔到.. 就係手袋o既肩帶, 我用黎當作褲鏈用.

勁過一輪走動之後, 眼見天已經黑了. 係時候去食飯啦.
今餐一早已經打算去道頓堀食河豚.

道頓堀川, 工程進行中. 令到呢度o既風景大打折扣.

大阪最有名o既道頓堀呀… 見到嗎!? 很大的蟹呀!!!! (雖然東京都有蟹道樂, 但嚮呢度見到好多以前嚮漫畫書見到o既野, 真係好感動!)

呢個公仔好熟口面呢…

其後仲見到固力果o既跑步 logo.. 不過我又唔記得影呢…
大家行黎行去, 有兩間食河豚. 仲諗緊食邊間好.. 中途見到 Beams 幫襯過o既小丸子!
佢特別之處在於其窩心o既設計… 成隻杯分兩層, 下層係汽水, 上層係小丸子, 仲有個飲管位. 咁樣大家既可以飲汽水, 又可以食熱吞吞o既小丸子, 最重要係唔怕因為小丸子太熱, 而拎唔到嚮手. 因為手執果個位係汽水黎o架o麻~

最後大家揀左呢間食河豚. 而我之前亦都 print 左呢間舖頭o既 coupon~

我地點左一個『天然河豚餐』, 一份一人前o既『和牛壽喜燒』, 一份當造o既『上等魚生』

以下就係我地o既食物啦!

好美味o既壽喜燒

呢一餐, 總括而言….
d 河豚有口感, 好煙韌, 但係完全無味道……
無論係生食, 煮, 燒… 都係無味…
全餐最好食, 係最後果鍋炊粥同埋個壽喜燒….
我諗下次都唔會再試河豚了…

食完之後, 開始下雨.
我去左 7 仔買遮. 透明的, 都好靚下~
我地四圍逛街, 又行書店, 又去左夾公仔…..
呢度夾公仔同新宿好唔同, 我用左好多錢都夾唔到.. 我都解釋畀果個人聽, 根本就無可能, 佢都唔理我.. 唉.. 好失望…

我地由道頓堀經千日前, 嚮南海通行黎行去.
無聊得黎, 都幾多野睇. 其實主要目的, 都係了解下d 地方. 不過出面實在太大雨, 我地都唔去得太遠…
日本有樣野好, 就係地下時不時都有d 好靚o既圖~

見到有街邊檔, 但睇唔到係賣d 乜.

好攪鬼o既壽司廣告, 你會睇住個手向上向下咁郁下郁下. 哈~
入面仲有關西最出名o既板壽司tim

本身我都想玩夜d.
但唔係人人都頂得住.. 最後我打多一舖機就走lu…
我玩緊打鼓, 不過係儀象團果隻鼓~

之後又多左件小插曲…
我地途經酒店附近o既 7 仔, 諗住公式化地入去買d 宵夜食 (其實大家咁累, 仲點會食)..
大家都諗日本都算幾有禮貌, 同埋有守規舉o既地方, 所以我地d 遮就放左嚮出面d 架度.
入到去, 我就無買野食, 只係買左罐菠蘿sour 阿傻佢地就買左d 三文治麵包.
出番黎… 我地發現….. 我地d 遮…….. 唔見晒!!!!!!

呢個時候又唔算太大雨.. 所以大家都係急急腳行番酒店算了.

返到酒店.
我實在又好鐘意把遮呢… 於是乎我休息左一陣, 就自己一個人起行再去 7 仔.
今次我買左盒壽司….. 仲買多把遮呢… 呢件事.. 又會成為我今次旅程o既一個遺憾…

戰利品…

阿翼沖完涼.
到我執好d 野, 沖埋涼出番黎. 不經不覺, 佢已經訓著左..
所以我都只係開檯頭燈, 食埋我個宵夜就訓lu…

Add comment June 22nd, 2007

『Osaka Hidden Trip 2007 Day 0 (前言)』

實在, 是此旅程是來得如此突然.
加上, 實在是異常隱秘.

對我而言, 外間很多人都不知道我這次的旅程.
因為的確, 四月才去完東京, 我很怕別人認為我太有錢.

事實, 是知道阿翼往後的日子, 我想大概半至一年, 也難以請多天的假.
那不如先再去一次…

因為東京實在有點悶了, 所以今次決定去大阪.
反正beams 剛剛去完, 我亦可以問多一點點… 只是.. 當我問得愈多, 大家反而覺得我有點古怪呢…

另外一樣比較特別的, 就是今次會和阿翼的同事一起去.
以往一直都只是兩個人參與, 多了兩個人, 實在是有一點點不同的..

因為對大阪所知太少, 所以決定酒店時, 都係由康泰職員為我地選擇.
佢認為心齋橋呢個旅遊區, 對我地黎講乜較方便. 而我地就選擇左心齋橋o既富士屋作為今次住宿o既酒店.

酒店o既外貌

酒店o既地圖.. 呢張比較簡潔. 不過可以睇到. 呢間酒店係可以行到去四個唔到o既站.
分別係心齋橋站, 長堀橋站, 日本橋站, 難波站. 其實都好方便下…

嚮心齋橋筋 (即係心齋橋商店街) 行到去見到 Uniqlo 前的一個街口轉入去直行到另一條大街, 再屈向長堀橋站方向就會見到間酒店..
呢張係 Uniqlo.. 不過.. 其實季季都有少少唔同.. for reference only

當大家熟左條路, 其實可以由不二家果條街o既下一條街, 見到 LIDS 就屈入去… 直行到尾就會見到間超巿 Gourmet City.
呢條路比較闊, 比較易行.

其實只要自己覺得無問題的話, 由不二家轉入去都得..
又或者過左道頓堀川, 嚮宗右衛門町通轉入去又得…..
真可以叫做四通八達… 但亦代表一開始o既時候會好混亂.

Add comment June 22nd, 2007

『Tokyo Hea 2007 Day X (後話 V - Cost)』

Add comment April 17th, 2007

『Tokyo Hea 2007 Day X (後話 IV - 打算或已經去左o既地方 info)』

原宿

『Tokyo Hea 2007 Day X (後話 III - 洛奇 6)』

嚮飛機上睇左洛奇 6.. 講下先.

必要承應, 龍哥係老左, 而佢亦可能真係等錢駛, 所以要拍番呢d 戲.
但無論商業角度如何, 個故事我覺得寫得唔錯.

佢著筆o既地方, 係新舊代替, 係兩代o既分野.

新一代拳王, 龍哥個仔, 同埋舊街坊個仔, 代表左新一代o既年青人
拳王係未經過風浪o既
龍哥個仔係好介意活在別人底下
舊街坊個仔係無所事事

龍哥係舊一代人, 經歷過好多事, 開心過又捱過辛苦過.
佢長情, 一直未能忘記已故o既妻子. 佢每一年死忌都會去懷念一番. 但個仔卻好多年都未出現過.
佢好人, 遇到不平o既事情, 佢會有膽佢承擔.
佢有火, 年紀老, 有間餐館好地地, 但心中仲想證明自己o既能力. 甚至熱受打拳, 所以考番個牌.

龍哥改變左三個年青人.
舊街坊個仔, 開始去試接受工作
佢自己個仔, 明白父親想法. 理解唔駛理人地點睇, 係名人個仔就係名人個仔, 我就係我. 無乜必要理會人地
拳王, 面對一個真真正正o既對手. 打足十回合. 捱過, 辛苦過, 可以成長了.

最後龍哥了左件心事, 於大家o既歡呼聲中離場…..

另外一件事.. 我覺得同第一集有少少呼應.
如果我無記錯. 第一集都係慈善賽… 又係一致唔睇好之下, 打足咁多個回合. 又係未等人宣評邊個win 就走左. 又係輸家 (龍哥) 反而得到最多歡呼…

係巧合, or 專登? Who know~

Add comment April 12th, 2007

『Tokyo Hea 2007 Day X (後話 II - 女)』

今期可能唔興濱崎步, 所以少左好多小麥色加銀色 eye shadow o既女…
除此之外, 打扮都好重要.

近年來, 香港女士打扮係好左好多.
所以一出街都好多靚女… 但日本呢? 有咩分別?

第一, 人人都化粧.. 連阿媽都化粧
第二, 永遠無波鞋. 呢個對襯衫有影嚮, 轉頭講
第三, 人地著衫, 真係由頭襯到落尾. 好多時香港人, 慣左見到上身咁襯好靚. 就會跟人地著.. 咁你有冇諗過下身又點襯呢? 又或者調轉, 襯下身唔襯上身… 呢一個問題.. 我知道自己都會有
第四, 人地真係好多書做 reference.. 呢點香港好似差d….
第五, 人地夠膽著, 亦無人笑.. 香港? 你試下亂襯… 明明好睇.. 都可能畀人笑.. 咁你就唔會打算再咁著啦!
第六, 對唔住, 我都唔明. 我就咁望, 日本女士帶bra 帶得好好.. 就連 push up bra, 你都會覺得佢好自然….

Add comment April 12th, 2007

『Tokyo Hea 2007 Day X (後話 I - 飲食文化)』

首先想講下, 今次對食o既感受.

說實話, 有d 失望.
可能因為今次唔係好專登咁去搵好野食, 所以食落覺得無乜特別.
二來, 香港亦有好多高水準o既日本菜, 所以嚮日本再食, 未必有驚喜.
三來, 好多日本食店, 都嚮香港有分店. 例如笑笑, 和民.
最後, 都係一個慣性. 兩年前幫襯過o既天狗, 今次再去. 真係覺得失色好多.
佢人多左, 生意好左. 感覺上對食物o既熱誠係求其左…. orz

第二件事.. 係點解日本.. 普遍我眼見都唔算多肥人… 尤其是d 女… 唔係無肥女士.. 只係感覺上比較少..
香港年青一代, 我知道.. 因為佢地真係食好少野..

咁日本人呢?
係人都知日本人鐘意食魚生飲綠茶, 呢d 野無咁肥, 亦都感覺上係喎…
但除左呢兩點.. 其實都仲有個飲食文化o既分野係度…
香港人鐘意好食之外, 仲有乜? 就係快!

快有兩個可能性. 其一係廚房出得快; 其二係一次過order 大量食物.
我眼見日本人, 叫o既分量好少會多過人數… 兩個人就叫兩碟, 三個人就叫三碟. 每碟份量仲要比香港細.
佢地飲, 多過食. 又食得慢.

唔會好似香港人咁, 食自助餐, 畀夠 2 個鐘頭你都無用.
因為頭 15 mins 已經一口氣食晒….
食得太快, 問題係會呃左個肚, 以為未飽.
其實係個肚未咁快收到 signal.. 所以當食得太快o既時候, 就會不自覺得多左…

你話大唔大問題?

Add comment April 12th, 2007

『Tokyo Hea 2007 Day 4 (20070408)』

呢day 係無相o既一day.
因為一早起床就趕車趕飛機…

大約 HK Time 5:00am 起床梳洗.
食埋尋晚買定o既冬甩…..
check 多次有冇漏野後, 就落番 B1 checkout…

懷著無奈o既心情, 坐上 JR 往上野.
到上野後, 即去京成上野站買飛坐 Skyliner.

又要60-90 分鐘車程… 就到達成田空港 2… 中途我地訓完又醒, 醒完又訓….

走呀走咁去到 counter A, B…
What’s up! 排晒長龍… 我地仲預左2 個鐘 only…

隊排途中, 有位好健談o既鬼佬同阿翼傾計.. 我都唔明.. 我想搭嘴.. 但鬼佬好似唔so 我咁…
鬼佬話點解會咁多人.. 阿翼就答佢, 因為CX 得兩邊counter.. 我就講 JAL 有 Self Check-in Machine..
鬼佬就愈講愈唔老黎.. 唔係因為我.. 係因為太多人o者…
我地排緊 11:00am 機… 但仲有 9:45am 機o既人未checkin.. 可想而知幾咁大鑊… 當時係 9:20am 啦..

鬼佬捉住個staff 黎問.. 妙問妙答.
鬼佬問點解要排咁長龍, staff 答佢因為飛機多人.
你估鬼佬點講… 鬼佬話.. 飛機緊多人, 咁大隻, 點會唔多人.. 咪講廢話…
講講下.. 我地知鬼佬點解咁唔老黎.. 原來.. 佢排錯左經濟位.. 佢果張係商務客位… staff 當然係即刻帶佢去處理啦…

排到去.. 我地班機 10:35am 要去到閘口.. 當時已經係 10:20am…
有理無理, 去toilet! 買埋d 野食畀同事做手信!

之後.. 無驚無險.. 上機.. 食飛機餐.. 睇洛奇6.. 訓教… 落機.. 坐車.. 返屋企..
返到屋企望下個鐘… 已經係HK Time 16:00… 由起身開始.. 足足.. 11 個鐘… 但乜都無做過呀陰公…

Add comment April 12th, 2007

『Tokyo Hea 2007 Day 3 Part 4 (20070407)』

返到新宿… 原來… 0101 無咁早收.. orz
算啦.. 買左個側袋, 了左件心事….

當我地離開0101 Men, 就開始落雨.. 好彩我有傘….
諗住去六歌仙食燒和牛… 點知去到, 見到有張通告.. 寫住咩 10:30pm.. 仲諗起本書話呢d 日子可能要訂位.. 心知賴野..
仲見到以前 TC 師兄一家人嚮後面… 今次賴硬.. 只好硬著頭皮上…

一問之下.. 係爆晒.. 唔記得問幾時有位..
另一班香港人飲飽食醉咁同我講… 話真係好好味喎! 間野仲開到凌晨五點… 咁我只好答.. 咁o岩啦.. 我地五點要起身上機.. 咁凌晨黎食, 食完走, fit 晒. 呢番對答, 得啖笑…
咁我地兩個就落樓下間大戶田.. 唉.. 都唔知咩野食.. 都係走…

去邊庶好… 落晒雨.. 都係返去放低d 野先…
途中見到松岡精肉店.. 寫住食和牛… 阿翼決定先食野…

好! 落到去, 舖仔細細, 都好多人. 我地兩個只有bar 檯位…
望下 menu.. Shit! 無英文, 無圖.. 甚至漢字都少.. 我只係識睇.. 牛.. 玉子…
Oh my god!

問下人.. 無英文menu.. 點算.. 叫個 Shabu Shabu…
d 牛肉真係唔失禮.. 滾左好耐都唔會老.. 正!

但淨食牛? 點算…
好! 睇人地叫乜, 我地就叫乜… 可惜.. 個侍應都係唔明我地想要乜..
佢以為我地想要碗… orz

嚮呢個時候, 聰明o既阿翼做左一個好重要o既決定!
佢決定要求我拎出我身上好重要o既一件野… 呢件野就係………………… 筆!
佢寫低… 野菜盛二人前, 豆腐二人前……..
侍應一睇… 眉頭深鎖…. 慢慢地露出明白o既表情….
BUT!!! BUT!! BUT!
佢話無豆腐….
算啦…… 有菜食都好過無…. LOL

好似牛舌o既和牛… 叫得 Shabu Shabu.. 無理由係牛舌!!! 無理由.. 無理由.

佢o既表情講左我知.. 係好好味

滾呀滾呀滾呀滾

好辛苦先order 到o既野菜盛

飲勝, 咁至醒!

利賓納? 差唔多啦… Grape Sour

Default 點都要影下d 所謂無謂o既美感相…

門前留影… Last Night at Tokyo!

送左阿翼返酒店之後, 我又隻身出動啦!
今次目的係要搵返新宿店. 之前落住雨咁搵野食果陣已經搵到, 仲confirm 佢收JP Time 12:00am.
去到睇左一輪書之後, 我就過左去歌舞伎町果頭d 便利店搵 Boon. 可惜係一無所獲.
接著就跟order 做野, 去 Mister Dounuts 度買左 4 個冬甩…
回程o既時候, 因為搵唔到邊度有 Fanta 賣.. 足足行左 4 個圈…
結果係… 求其買左支雪碧同埋抽多左一套 Hello Kitty 碗同埋 Hello Kitty crossover with Rody….

是夜節目完畢… 收拾心情回航!

Add comment April 12th, 2007

『Tokyo Hea 2007 Day 3 Part 3 (20070407)』

離開上野, 開始進入尾聲之旅. 因為一來大家都好累, 二來開始無乜特別野想做.
下一站秋葉原, 本身係抱住搵人搵 Wii o既色差, 同埋睇下有咩睇.
可惜, 好多地方, 當我一想影相, 就會有人行前阻止. 令我無晒心機.

一到步, 因為太累, 我地先想搵個地方坐下.
諗住去 Yodobashi 超級電子百貨. 因為我睇書話呢度有野食, 又有扭蛋, 又多電子野.
點知.. 扭蛋係得樓下一個舖仔 10架機左右… 入到去.. 全幢都係賣電子產品.. 真係無乜興趣…

之後行去 秋葉原 Velco Cafe.. Oh.. 無得食煙…
咁轉去 Pronto.. 要等位.. 不過我見侍應姐姐好努力咁幫我地安排, 所以我都等左一陣.
我地點左一杯普通咖啡, 一杯炭燒咖啡.
理論上應該比較濃味o既炭燒咖啡.. 竟然係好淡的… 不過算啦.. 諗住抖下o者…

秋葉原其實都幾多人, 即有d 夾公仔機.
不過相比起新宿, 佢d 公仔就放得好入, 同埋呢度唔肯幫人放正d 公仔.
除此之外, 亦有好多好得意o既 items.
秋葉原, 當然亦都唔少得動漫同埋同人誌啦!

其間, 我地亦入左一間賣舊玩具o既舖頭.
阿翼亦嚮呢度搵到佢心頭好, 魔鬼Meldoy 小型行李o急.
除左玩具, 阿翼去左睇夾公仔, 我就去左睇漫畫…
好多成人漫畫.. 仲好多人打書釘… 我以前睇落果d 漫畫家.. 都無新野出.. 所以都無心機再睇落去…
另外當我想影 cosplay 而畀人阻止影相, 所以心情一度很差…..

之後, 因為我覺得阿翼無乜野想睇, 而我亦打算去 M’s 呢間成人商舖睇野. 所以安置左阿翼去一間 coffee shop 度, 約好時間, 我就自己一個人出發.
順帶一提. 本身比較充足o既時間, 因為當日一時錯失, 無買 Black Label 男士側袋. 所以要安排時間趕返去新宿間 Black Label 度買. 因此, 我自己一個人o既行程, 就變左只係得番 45mins.

我一波, 我目的地就係 M’s..
沿途見到有game 舖我就入去, 幫 Ken 買左條 Wii Component 色差.
再行前抽埋d 扭蛋畀同事做手信…. 跟手殺去 M’s.
其間仲有問下 Dragon Ball Z for Wii o既價錢, 好似都係比起香港貴左少少…
Wii.. 我反而唔記得問.. 不過咁樣都用左我 25 mins…

M’s 由 B1/F - 6/F 都係賣成人用品.
有假陽具, 震蛋, 唔同o既服裝, 男士用o既飛機杯, 飛機套, SM 玩具, 仲有咸碟 tim.
d 咸片.. 已經由兩年前o既咸帶轉晒做DVD… d 格仔仲係要最新科技… 包唔會打格打到連個樣都睇唔到… 我計過條數 2xx 港紙, 其實都可以買一隻.
我又再次後悔啦.. 因為當時果刻, 都係無諗太多. 所以無買到.. 家陣諗諗下, 買隻留念都好…. 唉…

除左M’s, 仲有一間叫 Love Meci.. 不過就得 3 層咁高.. 而且d 野都比較舊….

夠時間回程.. 搵番阿翼之後, 只好同秋葉原講拜拜… 望住萬世呢幢專食和牛o既大廈講拜拜…

Add comment April 12th, 2007

『Tokyo Hea 2007 Day 3 Part 2 (20070407)』

今日本的地, 第一站係上野睇櫻花.
實在影左太多相… 唔講太多, 自己入番去 Gallery 度睇睇就最好.
我太約講下點行..

到左上野站, 嚮京成上野站 (即係 Skyliner 入口) 隔離就可以上去上野恩賜公園.
一去到公園, 基本上跟住d 人行就可以睇到櫻花. 我相信, 睇櫻花應該係一個大節目. 因為我沿途除左見到超多人之外, 仲有好多攤檔, 好似小型嘉年華咁.

行到咁上下, 我地見到個廟, 隔離有個湖. 成條通道都係有野食.
當時我就揀左檔關東煮, 有豆腐, 有魚丸等等. 都幾貴, 連埋野飲要幾十蚊港紙. 不過個女仔都算幾甜. 呵~

再行前, 有日本傳統寺廟o既洗手架 (我都唔知叫乜), 我當然係會去洗一洗啦.
洗完手.. 我就又叫左個章魚小丸子食.
話就話小丸子, 但大過香港果d 好多. 咁因為佢始終都係落多左粉漿. 不過佢入面d 料都好多, 除左好大粒章魚之外, 仲有d 調味料.
食到好飽, 先發現, 一個我以為好 serious o既洗手架.. 完全個個都係食完野隻手唔乾淨就去洗手….

嚮面向廟o既左手邊有尊佛像, 仲有帶帽著衫, 都幾得意. 襯埋d 櫻花都好靚下.
另外一邊, 就有日本傳統o既祈福牌…
我地沿住個湖下, 好多櫻花.. 好浪漫. 個湖o既另一邊, 有d 鴨仔水上單車.
其實都好多一家大細係度行, 又有情侶漫步, 亦有人係度畫畫影相.
最後, 我地搵左個外國人幫我地影相. 可惜佢太高啦… 就唔到我地…
之後, 我地搵多對香港情侶幫我地手影.
我亦有幫佢地影.. 點知畀人串我影得差…. 我想講.. 你主要係想要個景.. 你兩個先係配角, 所以我先放大背景, 縮細你地兩位… 兩個人大大隻咁係中間, 睇上去果度d 櫻花咪又細又少囉…









For More Photos…….

離開上野恩賜公園.
我地又向上野御町站出發, 中途其實無乜野睇, 係入左間激安之典堂睇野.
到左上野御町站, 我地轉入另一條街 (上中), 行番去上野.

中途見到d 百果園d 生果好正!
所以要左一條菠蘿, 一條哈密瓜.

再行見肚餓就去左上野廣小路店o既鰻登亭食鰻魚飯.
呢間野d 鰻魚, 即叫即燒, d 汁又好味, 又多飯. 如果唔係以前食小食太飽, 我真係唔介意食晒佢~
成個定, 仲有碗湯, 內有膽一個唔食得. 但個湯好清好甜.

準備去下一站o既時候, 我地行左個商場睇 agnes b.
同埋入左一間舖頭. 裏面賣好多好靚o既精品. 我就買左一條布 Belt, 阿翼就買左個煙灰盒.
呢度我有少少後悔. 因為返到香港之後, 細佬好鐘意我條 Belt, 而且當我睇清楚. 條 Belt 係 Made in Belgium… 我相信百幾蚊, 應該算係中上等o既貨..

Add comment April 12th, 2007

『Tokyo Hea 2007 Day 3 Part 1 (20070407)』

一早起身就去左 Veloce Cafe 度食早餐.
好失敗.
呢間野 d 咖啡麻麻地. 食物又只係得凍三文治 or 熱狗…

Add comment April 12th, 2007

『Tokyo Hea 2007 Day 2 Part 4 (20070406)』

返到新宿, 諗住行多陣先返酒店放低d 野.
去左新宿站東口o既 Uniqlo. 事關今日嚮原宿去唔到… 點知.. 去到 Uniqlo, 覺得呢期d 衫麻麻地… 不過後都買左兩件 Tee.
另外, 我地又嚮無印買左個幾靚o既手飾盒.

事關我地實在太累. 所以我地決定都係去買少少野食, 返酒店放低d 野先.
去左 Mini Store Lite 買左兩個飯團, 都叫幾好味.

之後我地沿歌舞伎町街口行, 再過對面馬路. 入左去 Adhoc o既 Sanrio, 又去左 0101 買呔, 同埋新宿另一間 Uniqlo.
我亦都上左去紀國, 買左隻 CD.

太肚餓啦. 我地過番去我地住果頭, 去左天狗食飯.
天狗. 係我地兩年前去過o既一間居酒屋. d 野兩年前幾好味.

今次入到去, 先有個小食. 應該係薯蓉溝青豆. 幾好味.

點左杯 Grapefruit Sour, 感覺上有點失敗.

阿翼點左杯 Calpis Sour. 都係呢個穩陣d.

菜式方面. 我地點左…
一個煮蜆. 有點濃濃o既麵豉味. 唔算太好味, 不過不失.
一客五類刺身. 無左以前o既七種刺身拼盤. 換來失去左兩種特別o既刺身. 其中一種, 就係d 味道好似馬肉o既魚. 不過我唔記得左叫 Horse 乜. 呢度o既五類刺身包括墨魚, 章魚, 蝦, 吞拿魚, 帶子. 唔算唔新鮮. 但畀你食墨魚, 章魚.. 都幾無引.
一客炸雞沙律. 呢個算係最好味o既一客. 用上沙律醋, 阿翼都食.
一客炸生蠔. 阿翼話好味. 我就食唔出d 蠔… 同埋.. 好細隻…
一客串燒. 呢d 野, 如果都唔好味就大檸樂.
一客炸芝士. 阿翼食到喊之作品. 明明兩年前都仲好好味, 點解今次無端端要加士多啤梨醬? 唉…

食完之後, 我地無浪費任何時間.
我地再戰新宿.
今次我地去左夾公仔!
一開頭用左 2000 YEN 已經夾左 3 個.
只係有其中一個, 因為頂得太實, 所以要求店員幫手攪攪佢.
之後, 我地又睇中左一個.
但我地用左 500 YEN 都唔掂. 因為個鬆馳熊手上串和?子頂得太實. 可惜今次另一個女店員完全唔理我地.
同時間, 有個香港女士. 可能係我小心眼, 我硬係覺得佢係度串緊我地咁都叫唔到個女店員幫手….
佢一夾到就大叫, 仲要叫男友幫佢影相…
女店員! 你好野!
老舉埋年! 算X數! 橫掂我都夾到三個.

回程時, 畀我遇到當年我同河馬一齊去日本o既時候, 我嚮新宿買 H 漫畫果間舖頭 (叫做新宿漫畫). 但係好似人去樓空…
當我失望之時, 發現佢完來係搬左! 返酒店途中我就順路望下見唔見到搬左去邊.. 可惜我都係見唔到….

今day 戰利品.
交響夢情人交響樂和協奏曲 CD

嚮香港炒到貴一貴, 但呢度 7 仔都有得賣o既和?子.

嚮麥酒記念館買畀同事o既手信

由 2000 YEN 變做 3000 YEN o既公仔三兄弟

一條呔, 一條時款圍巾. 包得太靚, 所以無拆開.
無印手飾盒…

Uniqlo 內o既戰利品

幫阿翼同事買o既Blue Label 手袋 n 銀包

阿翼至愛, Garcia

千辛萬苦先搵到o既Head Porter Tanker Messenger Bag

食完.. 其實我都仲好肚餓..
所以買左個杯麵, 加一罐凍結橙酒.

Add comment April 12th, 2007

『Tokyo Hea 2007 Day 2 Part 3 (20070406)』

Next Station is 惠比壽
見到偶像阿部寬廣告.. 點都要影下

一出東口, 佢應該有條 SkyWalk 可以行去惠比壽o既 Garden Place.
但因為無睇清楚, 結果係就咁行左出去, 食住風咁行過去Garden Place.

對達, 對岸就是 Garden Place.

過左馬路, 面向 Garden Place o既左手邊, 就係 Sapporo o既 office, 嚮面向 office o既右手邊, 有條樓梯向下行. 沿樓梯落, 左手邊就係我想去o既惠比壽麥酒記念館.

一入到門口, 有架鋼琴, 我相信係用黎做表演節目多.
另外嚮展覽館入口, 有間紙版車, 我同鬼妹仔都有入去扮下野, 影下相.

以下就係麥酒記念館入面o既部份展品

上面d 海報係唔係似曾相識呢?
無論係以前d 酒吧, 又或者係部份舊o既電視劇入面, 相似o既海報, 都應該出過.
其實d 海報唔止咁少, 我都只係揀住黎影.

行完之後, 就去左畀錢試酒. 基本上, 係要入錢買d 牌仔, 再拎d 牌仔入去餐廳換酒飲.
400 YEN 就 4 杯細o既唔同類型o既啤酒.
200 YEN 就 1 杯大o既啤酒.
我地先入左 500 YEN, 諗住佢會找錢.. 點知唔會喎…
咁我咪入多100 YEN, 點多杯大o既.
4 杯 collection, 仲有張底紙介紹果 4 杯係乜酒. 另外, 仲有兩包 cracker

飲完之後, 我都真係暈暈地…
所以出番去, 本身想去 Beer Station 食下燒肉飲下酒, 但都係決定取消…

嚮惠比壽臨走之前, 行左去一間話專賣平價家居用品舖頭.
點知去到, 賣d 野完會無用… 都唔知點幫襯… 又唔係話好靚….
決定返新宿行下街食飯. 途中遇到我地個friend 開o既pizza 店… (講笑..)

Add comment April 12th, 2007

『Tokyo Hea 2007 Day 2 Part 2 (20070406)』

第一站. 原宿同埋表參道, 主要目的係去 Burberry Blue Label, Burberry Black Lable, Uniqlo, +plus, annex, Garcia

原宿站對住個 Snoopy Town. 而呢個非竹下通o既出口, 其實靚過竹下通出口.
除左個出口靚之外, d 女仔都幾靚o架

呢個交界點好重要, 今日要成日嚮度行黎行去.

大家決定左, 先見到三菱UFJ轉右, 去Uniqlo, Burberry Blue and Black Label先.
點知行到去… 未開門…
咁呀.. 轉番去Garcia 先. 由小路轉番落表參道.
過對面馬路, 經過表參山轉入去就係啦.

途中嚮神宮前 5 同神宮前 6 中間o既小路區, 見到馬路中心有個公園仔… 仲要有小朋友係度玩.
當我地由 Garcia 返轉頭去 Blue Label 果陣, 就知道原來呢度有間託兒所.

途中仲見到間爛屋. 可能人地d 野特別好. 連人地d 爛屋都爛得有 taste d.

有間舖頭門口個公仔好靚. 呢間舖頭隔離上樓, 就係託兒所. 我地睇住d 小朋友嚮上面行落黎.

日本啊日本.. 連d 街頭圖案都靚過人

偶爾, 都有一兩棵好靚o既樹. 有冇人可以答我.. 其實呢d 係唔係櫻花樹o者

沿路又見到間好靚o既屋. 其實係一間餐廳

呢間唔知係乜. 總之都係靚

見到有間舖頭賣滑板. 我忍唔住扮低能… 無計. 一個人出去外地, 難免會低能下

地下都靚過人. 好過嚮香港只係見到.. CableTV, HKBN, PCCW… 甚至.. 香口膠漬

到達表參道, 又見到靚女. 就算唔係好靚, 但識打扮已經殺晒. 偷影又黎啦

沿住表參道, 兩旁o既樹, 好有氣勢

到達 Garcia.. 點知又未開門.. 只好返轉頭去Burberry. 因為一來一回.. 應該開左門… 但點都要留一留影
都係果句, 點解人地d 路標.. 咁靚o架

一間好別緻o既舖頭 (定係餐廳?). 另外呢張相表達左另一樣野, 就係我好肥呢…

日本好多呢d 車仔賣野. 我見過有賣咖啡, 賣o架o厘, 賣餃子.
個日本妹又係靚女, 唔知點解咁得閑唔駛返工, 仲要拖住隻狗.
隻狗應該都嘆慣. 你睇我影佢佢都唔望我就知啦.

新開o既表參山. 入面好多舖頭, 不過都係d 比較高貴o既貨品, 唔o岩我地

一位街頭影相佬

你睇人地d building, 真係靚d..

今次我地屈入小路去Black and Blue Label.
話就話小路, 其實都幾闊落

勁靚o既滑浪海報

到達左 Black Label 先. 可惜我地覺得個袋唔係太靚, 所以無落手幫人地買
之後就行番去轉角果間 Blue Label. 幫人地買左個手袋同埋銀包

係時候返去 Garcia 啦. 沿途見到 Gap 同埋 Die Hard 4 廣告. 又睇睇, 人地d 廣告, 係唔係靚d? 其實主要都係幢 building 靚~

眾裏尋她千百度. 希望佢係右手邊果個

東京最大同最多係乜? 答案係烏鴉.

今次我地又屈小路入去Garcia, 又見到好靚o既花. 同一個問題.. 是櫻花嗎?

到達理想地點.. 你睇下幾咁開心. 係時候掃貨啦!

明係影女, 又如何? 人家d 女特別四正…

除左影女, 我都有影條街. 真係好型. 呢種影法, 亦係我最鐘意的

之後途經Laforet. 入面新開左間 TopShop.
本身有件 Tee 2xx HKD. 可惜又係無牌子嚮面.. 我怕人地以為我咁貴買件花園街牌子…

呢一站係去搵 Head Porter. 先搵到神宮前 3 and 4 o既入口.
入到去搵到 Annex, 不過呢間野係賣 Head Porter o既帽同衫.. 唔係賣袋.
睇地圖.. 又話賣袋 o既 +plus 嚮對面? 點解我搵唔到…
只好四周圍巡下啦. 其實四周都係一d 民居. 人地種d 樹都幾靚下. 加上原宿文化, 少不免會有d 塗鴉, 真係幾靚~

行下行下, 搵到間 Beams T.
呢期 Beams T o既 Tee 係 crossover with Ultraman.
我本身睇中左件巴魯坦星人同埋 4 個 Ultraman 剪影扮 Beatles o既 HELP.
可惜.. 都係因為無寫Beams 做牌子.. 我覺得有d 唔係太值, 所以放棄左.

再繼續搵 +plus, 轉黎轉去… 沿途見到好靚o既樹 (suppose 係櫻花), 泰臣o既 Supreme 海報 (如果有件泰臣tee, 我諗我會買~), 同埋一間可以畀Pet 入o既 cafe (個牌好 cute).

傻人自有傻褔. 行下行下, 又遇到阿翼好鐘意o既 Roby.
當然要上去睇下啦~

到最後, 阿翼因為價錢問題, 都係空手而回.

又遇到藝術家o既創作藝術.

結果.. 我地終於搵到間 +plus.. 原來, 間舖頭無招牌, 亦無話好明顯咁show d product 出黎, 加上 Head Porter d袋本身都係黑色, 所以好難睇到.
唔緊要啦, 最重要係搵到.
最後我就買左個 Medium Size Tanker series o既 Messenger Bag.
價錢方面, 訂價 33xxx YEN, 比起我去 headporter.org or head-porter.org o既訂價要平成千蚊港紙.

買晒要買o既野, 我地沿路出番去.
想搵d 野食.. 可惜.. 無乜野好食. 結果是但揀左間 cafe.. 入面好多人食煙, 又開左暖氣, 好焗..
我真係差d 頂唔順….
我點左個 Pizza Toast and Ice Tea. 阿翼就點左個超甜o既雪糕忌廉 Toast 加凍啡.

因為超焗加上我鼻敏感 (日本天氣無香港咁凍, 但都係凍.. 但室內有暖氣, 又食煙.. 所以都幾痛苦), 所以我行左出去一陣, 影左少少相..
呢度.. 係旅行團必到之地.. 竹下通!

自動追蹤系統… 美腳姐姐…

Add comment April 12th, 2007

『Tokyo Hea 2007 Day 2 Part 1 (20070406)』

第二朝, 大約 HK Time 8 點起身出發.
今日o既目的地o既原宿, 表參道, 惠比壽

再見啦, 大堂

途中遇到的小貓. 其實仲有一隻, 不過佢好驚咁走左..

我諗佢應該未訓醒

小滝橋通. 你睇下人地d 路標幾靚…

途中遇到不少 OL. 感覺上, 雖然唔係話好靚, 但人地真係由頭打扮到落腳, 睇上去靚好多.

嚮日本食日本料理, 除非真係搵d 好出名o既. 否則都其實唔好抱住好好好好食o既心態. 始終香港真係開左好多唔錯o既日本料理食府.
呢一間, 我諗大家都會見過.

除此之外, 仲有大家好熟悉o既和民. 甚至好多小型o既居酒居, 都有上佳o既作品 (例如本人最愛o既和居和居). 所以我今次對於食日本野, 都無乜抱住咩期望.

禽晚路過, 已經知道呢度有間 MOS burger, 仲要係 24-hour.
嚮香港死排爛排, 嚮日本根本唔係太多人食. 仲要呢度o既份量, 比起香港黎得大. 味道我都覺呢度做得好d.

每日必飲o既咖啡

兩份芝士蕃茄漢堡餐. 其實我都唔識睇, 只係見到係咁上下就作番個名上去.
除左個包之外, 有仲有一袋薯條加洋?圈. 說實話.. 麻麻地好食…

不過有樣野幾好, 就係佢係會拎過黎畀你. 唔同香港, 要你自己等再自己行去拎. 我真係好怕呢種方式. 當我自己一個人o既時候, 畀人偷左d 野點算?
嚮MOS burger 入面, 嚮我視線範圍. 仲有兩位 OL, 一群美少女, 可惜唔方便影佢地相…
另外, 仲有個嚮度訓教o既 OL. 令人懷疑佢真係無屋企? 亦唔駛返工?
有香港人入黎食, 亦有香港人買外賣.
令我最感慨, 係香港人家陣變得謙卑. 反而大陸人真係… 成口粗口. 又話香港人個個朝早起身西口西面, 日本人食埋d 咁o既野… 東又彈, 西又彈..
雖然一早已經知呢d 係大陸人o既劣根性, 但自己親身感受又係另一回事.

呢個杯墊.. 我真係好想偷左佢..

Add comment April 12th, 2007

『Tokyo Hea 2007 Day 1 Part 2 (20070405)』

JP Time 20:40 到步. 剛剛有架 Narita Express (簡稱 Nex) 就黎到, 要快手快腳…

除左我地之外, 仲有一對香港情侶一齊.
我諗佢地應該係第一次黎, 因為我見個女仔咁趕都仲想不停影相

上到車lu… 坐幾個鐘頭飛機, 兩個人都有d 累

差不多 JP Time 22:00 先去到新宿. Nex 唔係站站停都算快. 如果坐 Skyliner 轉 JR, 甚至坐 Limon. Bus.. 後果不堪設想…

新宿站內的櫻花海報. 好靚

因為比較夜, 西口又唔近歌舞技町, 小田急等等o既百貨亦 close 左. 所以西口通道比較少人

日本 OL 排隊提款. 老實講, 後面側左面果位, 真人幾靚女

出到小田急門口, 見到有檔車仔檔賣關東煮.. 好似幾好味

嚮小田急門口, 我都用左不少時間睇map. 話就話有地圖, 但其實d 路因為唔熟, 都要諗清諗楚.
最後, 我地確定方向就起行. 途中見唔到 Bic Camera. 第二日我自己發現原來自己行得唔好. 不過都唔緊要, 因為我地當晚再出去已經揀左第二條路.

過左天橋之後, 我地遇到另一對香港情侶. 多謝佢地o既好心協助.
好攪笑, 對方o既女朋友不明白我為何要用日本地圖. 佢認為手持香港旅遊書印制o既地圖係會方便d. 問題係, 日本當地o既地圖真係好準, 我可以數得到幾多條街之後可以去到邊, 只係有d 地標係日文, 所以難d 理解. Anyway, 佢地o既好心, 都係值得加許.

最後, 經過常泉寺, Rose Hotel, 轉入d 民居, 又經過女子中學, 行到尾發現無左間 ampm, 不過都仲有間 Fresh Market.
轉右再向前行… 差點 miss 左間 酒店. 好彩我抬頭望一望o者. 下面就已經係 7 仔, 好方便.

入到大堂. 如前言所講, 真係好似麗晶大賓館.
有指示話 B1 先係 counter. 落到去 B1, 有澡堂, 亦有 counter.
我仲見到有部機, 可以買飛… 主要應該係用黎畀錢買飛留宿. 呢間應該係一d 好簡單o既 business hotel. 畀d 人做夜左可以搵個地方訓教.
因為我地上上落落, 我都見過兩個 OL.

上到房, 無鑰匙. 要自己設定密碼. 都算方便~

放低行李之後, 一行二人就出發去食野.
今次我地決定行小滝橋通果面, 感覺上係遠少少, 但比較方便就可以到達新宿站東西口交界.
行左一陣, 決定入去橫丁食炭火串燒.

舖仔細細, 有英文menu, 但好多野我地都難而同佢地溝通.
比較好運就係果位靚女侍應識講普通話. 說實話.. 佢真係好靚.. 又高.. 好有做 model.. 甚至 AV o既質素~

先黎一人一碗關東煮小食

阿翼好認真咁諗緊食乜

靚女侍應… 加上舖頭o既環境.. 見到嗎? d 風扇好得意

吞拿魚粒, 都算新鮮, 有筋, 但又唔自好頂級. 算啦.. 三十幾蚊港紙, 仲想點.

Apple Sour. 我點的.. 不過最後都係阿翼飲左..

Cassis Grapefruit. 即係黑加侖子西柚汁…. 估唔到唔飲黑加侖子o既阿翼佢點左都唔知自己飲緊黑加侖子… 最後.. 我同佢換左

牛筋煮物. 個湯幾好味, 又有蘿白.. 唔錯

睇清楚d 隻湯勺. 有個凹位, 可以防止隻湯勺跌左落黎.

串燒. 有雞肉, 雞皮, 雞軟骨, 冬菇, 雞翼.

睇下阿翼食得幾開心

我忍唔住, 叫多杯阿翼最鐘意飲o既 Calpis Sour. 睇上黎好似無乜料, 但其實飲左少少都好快醉~

面都紅晒

橫丁同埋間舖頭個招牌

東西口交界o既馬路, 係我地每天o既必經之地

人在東京

是日戰利品. 嚮 7 仔抽中o既Hello Kitty 碗, Hello Kitty 膠海報同埋一本叫做 Street Jack o既 Fashion Magazine. 可惜係連日黎都係搵唔到我最鐘意睇o既 Boon.

大家可能會問.. 咩叫 Apple Sour, Calpis Sour, Grapefruit Sour.
其實食日本野, 好多時都會見到呢d 飲品.
佢就係果汁 or 汽水加燒酎. Apple Source 就係蘋果汁加燒酎, Grapefruit Sour 就係西柚汁加燒酎. 至於 Calpis 其實係一種碳酸飲料.
大家不妨可以一試.

Add comment April 12th, 2007

『Tokyo Hea 2007 Day 1 Part 1 (20070405)』

一切由香港出發.

早一天我就做左 online checkin.. 差d 唔記得多謝嚮阿 Ken.
佢唔講, 我都唔知可以 online check in 咁正, 令我可以嚮上機前 45 mins 先去放低行李.

我地今次坐 MTR 去東涌, 再轉的士.
的士阿叔好好人, 亦好攪笑. 沿途係度介紹昂平 360 至醒玩法.

到左機場, 搵到個counter.. 原來都幾多人..
好好彩, 我亦都決定左早少少到步… 眼見前面有一群香港人.. (唉.. 我都係香港人) 係咁叫d 朋友插隊, 我後面d 外國人個個黑口黑面, 令到身為香港人o既我, 亦都感到無奈.

攪掂好行李之後, 發覺時間尚早, 個肚仲有d 餓.. 可惜搵唔到榮舅父, 無得食免費機場餐.
只好搵間餐廳坐下… 我就揀左 (揀錯左…) 間台灣牛肉麵

一杯唔凍o既珍珠胚芽奶茶

一碗無味… d 牛肉又硬o既牛肉麵..

睇埋張單… 真係好後悔…

完全理解唔到, 機場點解可以provide 咁o既質素o既食物… 仲要係好多人幫襯….
Cashier 果位小姐, 其實幾靚女.. 但我又唔明.. 佢點解要黑口黑面對住我? 唔通我食百幾蚊野要簽咭係有問題? orz

轉個頭, 我地就上機啦~

未出發, 先興奮

有花生食, 仲有汽水飲

飛機餐到啦. 今期係有 Beef or Seafood 我地揀.
味道當然係麻麻地, 但都可以食晒… 仲有冷麵tim

食飽果然係醒神d

甜品係.. Mega 雪糕批.. YO!!!

食得幾咁滋味~

Add comment April 12th, 2007

『Tokyo Hea 2007 Day 0 (前話)』

今個復活節假期, 嚮好趕急o既情況下, plan 左去東京 4日 3 夜.
急, 係因為都算臨時決定. 計過晒d 數, 阿翼呢一年都未必有假放, 減左我請假無人工, 同復活節加價去旅行條數應該都無乜大分別.

首先都係要多謝一下 Thomas. 唔該晒佢好落力咁幫手聯絡旅行社. 今次買唔到d 咩手信畀佢, 都幾唔好意思. 不過大家咁熟, 應該都ok 呱~
另外.. 都要多謝呢三個sites… 幫左我唔少忙
薯淘同雞 幫我易d 搵到間酒店
Mapion 日本地圖 o既細緻程度, 令我更準確搵到我要去o既地方
日本 JR / 私鐵時刻表 令我知道搭車要知價知時間

因為 4 日 3 夜 o既行程. 可以叫做晚機去早機返, 所以前後都無左差唔多兩日.
日子唔係咁見駛, 因此個plan 都係沿住山手線就走… 之前plan 過一個 star 型o既走法, 一來太過走馬看花, 二來轉車呢part 都幾辛苦. 所以改左一個沿山手線半圓走法.

航機方面.
我地坐 CX500 20070405 1500 Hong Kong to Tokyo 機. 到達成田空港2 大約係 JP Time 20:40 左右.
回程就坐 CX501 20070408 1100 Tokyo to Hong Kong 機. 返到黎香港就差唔多係 HK Time 16:30.

氣溫方面.
日本大致上係 10-18 度.
我地都著住大褸… 但感覺上無香港咁凍.

住宿方面.
我地住新宿飛鳥酒店 (http://www.asukahotel.com)
地圖如下
Official Map

Map from 薯淘同雞 o既東箱事發622-626 (其之一)

Map from Mapion 日本地圖

其實, 由新宿站西口出 (小田急出口. 不同於新宿西口站. 因為西宿西口站係地下鐵, 唔係 JR), 沿小滝橋通行到去一個大o既交匯處. 你會見到對面有間吉野家. 呢個時候你轉左直行, 見到間 7 仔, 抬頭一望就會見到飛鳥酒店.

外觀

大堂, 真係有d 麗晶大賓館 Feel.

唔駛用鑰匙, 只係要set password. 減少左不少o既 admin work.

Toilet 係幾咁的式, 全膠倒模出黎咁. 好彩個屎坑有個洗屎忽機~

張床… 仲唔係賓館…

我一伸腳就到尾… 個雪櫃.. 無 Mini Bar 的.. 開頭我仲諗住佢係壞.. 但都係凍. 不過有少少恐怖… 好似好唔乾淨咁..

前話就差唔多啦.. 下一個post.. 就會由香港講起…

Add comment April 12th, 2007